"FRÍO"

FRÍO inspírase na extraordinaria historia de Nikolái Gógol, “O abrigo”. É un espectáculo de teatro físico e máscaras con música en directo. Unha fábula máxica que fala do desexo e a morte na roda imparable dunha sociedade guiada pola ansia de ter para ser, e de lucir para ser visto. En FRÍO os personaxes imaxinados por Gógol transmutan en forzas simbólicas que acompañan o desexo de Akaki e os seus esforzos por logralo.A través dos símbolos trasladámonos a un espazo e un tempo universais que se ven amplificados coa forza escénica da máscara e a melodía e a locuacidade da música interpretada en directo e que traduce as palabras de Gógol a un idioma común a calquera ser humano.