Espectáculo gañador do premio do público do Festiclown Rivas-VaciaMadrid 2013. Logo do incrible éxito de Peter Punk co seu primeiro espectáculo chega a súa continuación. O artista volve cun espectáculo aínda mellor, con novas rutinas, novos xogos e preparado para facer rir a todos os públicos de Galicia e máis aló. O irreverente PeterPunk retorna dende o país de Nunca Máis cun espectáculo máis "Chungo chungo ke te cagas". Peter Punk preséntase nesta ocasión no seu novo e gran pequeno vehículo. Participando activamente co seu público -que fará parte imprescindible deste novo espectáculo- pedaleando coma un tolo, comendo globos e xogando coma un neno que se nega a crecer, PeterPunk presenta un final sorprendente no que coñeceremos o seu último xoguete: a Chungatrona! Unha máquina de “tortura pallasa” que fará as delicias de nenas e nenos de 0 anos a cadea perpetua. Serás ti o próximo en probar a Chungatrona!?!?
