ADIVINHE QUEM VEM PARA REZAR

O espectáculo:Adiviñe quen vén para rezar, do autor brasileiro Dib Carneiro Neto, trata de personaxes masculinos conversando sobre o amor, algo do que non falaron durante os seus anos de convivencia ou de coexistencia. Diante da cámara, o universo masculino e as mulleres das súas vidas. O silencio dun cativo constrinxido polos xogos de sedución. Todos os riscos, os deliciosos riscos da sedución. "Medo, frío na barriga. O mel escorrendo". "Aprender a seducir..." "Máis eu non quero ser un inconsciente". A compañía: Seiva Trupe celebra este ano 2013 o 40 aniversario da súa constitución na cidade do Porto, da man dun grupo de mozos entre os que se atopaban António Reis, Estrela Novais e Júlio Cardoso. Neste longo percorrido, durante o que a compañía foi recoñecida no seu país como Entidade de Utilidade Pública, ten levado a escena máis de 120 espectáculos, ademais de promover cursos de iniciación á práctica teatral, obradoiros e certames de creación dramática, entre outras accións. Convoca de xeito bienal o Premio Zume para recoñecer personalidades que se distingan e dean prestixio ao Porto nas áreas de Artes, Ciencias e Letras.