CIRCO DE NADAL
Este ano queremos compartir con todos vós, esta gran estrea; un novo formato de circo contando a historia máis fantástica até o de agora da compañía La Fiesta Escénica
tralos seus 25 anos de percorrido.
Nesta gran xira que realizaremos polos mellores teatros de toda Galicia, relataremos este gran conto visto por miles de persoas en Roma, San Diego, México DF, Berlín,
Madrid...entre outras capitais.
Un circo como nunca se vira. Unha historia chea de tenrura, reencontros, ilusión e dozura para toda a familia.
SIPNOSE
A protagonista desta historia é unha pequena mascota pertencente a unha numerosa e particular familia. O día de Noiteboa, tras cear, chega o momento máis esperado por
todos: o reparto dos agasallos. Despois da emoción de abrir os presentes, todos marchan a durmir; excepto a mascota que divisa ao integrante máis pequeno da familia
recostado baixo a árbore de Nadal.
O cativo sorpréndese ao ver a súa mascota xunto a el, e cóntalle apenado que todos recibiran un agasallo agas el. A mascota dálle ánimos e lle explica que probablemente fóra un simple erro. É aquí, onde comezan a súa viaxe rumbo o mundo onírico onde todas as dimensións son máxicas. Aventuras da man de grandes acrobacias, coreografías, efectos especiais, animais animatrónicos e personaxes máxicos...farán deste conto a historia visual máis bonita deste Nadal.
Con grande impacto escenográfico recréase esta viaxe cunha ampla ensinanza de amizade, cariño e respeto desvelado por un gran agasallo.
