COUSAS QUE TROUXO A CHUVIA - MITEU 2017

Había unha vez, hai moitos anos, unha meniña que xogaba coa terra na eira da casa facendo pasteis. No verán corría por campos infinitos de lavanda e polo inverno maquilaba as meixelas con fariña. Había tamén unha casa na estepa, campos de centeo e trigo e camiños pisados por carros. Había un papá que voaba por riba do horizonte, unha nai que amasaba, a profesroa de ballet - que sempre andaba seria - e unha fábrica onde se traballaba ata que se poñía o sol. Despois a meniña medrou. E un día, por sorpresa, gastáronlle o corazón. e todo o que aquí se conta ocorreu, de xeito inesperado, nunha abafante tarde de verán en que o ceu rompeu a chover.