FEKAT CIRCUS GIRA 2018. MOVE IN

FEKAT CIRCUS É MOITO MÁIS QUE UN ESPECTÁCULO, É VIDA, É FORZA E , SOBRE TODO, É UN BERRO DE ESPERANZA NUNHA XERACIÓN AFRICANA QUE LOITA CADA DÍA, POR CAMBIAR A SÚA REALIDADE, E QUE NON SE CONFORMA CO DESTINO QUE A PRIORI LLES TOCOU VIVIR . MOVE IN escenifica a viaxe coas súas intermitencias emocionais, entre espazos baleiros, como desertos e mares, e outros repletos de incerteza. MOVE IN é a viaxe dos migrantes; utópico, esgotador, cheo de expectativas. As acrobacias, a báscula, a rue cyr, os malabares e a manipulación de obxectos, son as técnicas coas que se desenvolve o movemento de oito artistas. Cada un destes mozos son un exemplo de vontade e constancia, e demóstrannos que, con esforzo, é posible facer realidade os soños. Unha combinación perfecta para fortalecer o noso músculo máis importante, o corazón.