FUENTEOVEJUNA

Fuenteovejuna, de Lope de Vega, é unha das obras máis representativas do teatro do Século de Ouro.
A escolla de Fuenteovejuna polo grupo de teatro ATURUXO non foi ao azar, senón que é un proxecto que lle dá continuidade e riqueza a este grupo de actores e actrices ben consolidado.

A nosa proposta céntrase nas xentes da vila, nos seus problemas e alegrías cotiáns. A vida da vila vaise ver interrompida pola chegada do Comendador das batallas de Castela. Os desexos e caprichos do Comendador Fernán Gómez afogarán ás xentes da vila, forzándoos a tomar unha decisión drástica.

En Fuenteovejuna hai un pobo que quere vivir, que quere ver medrar e florecer a mocidade. Pero tamén hai un pobo maltratado, humillado por un poder abusivo e corrupto. Só a unión e a solidariedade da xente devolverá a dignidade.
Os temas presentes na representación como a rebelión popular, o honor e o amor fan de Fuenteovejuna inmortal, porque...a quen non lle resoa na cabeza: Fixoo Fuenteovejuna, Señor?