JIM E A ILLA DO TESOURO (MOTI)

“Jim e a Illa do Tesouro” é un espectáculo cunha linguaxe estética moi coidado no que actores e monicreques aparecen en escena nunha simbiose perfecta, chea de acción, de música e arroupada por unha atmosfera que nos traslada inmediatamente a un mundo fantástico e aventureiro. Música, acción, leas, humor, piratas desapiadados, piratas parvos, patas de pau, parches no ollo, papagaios, cancións corsarias, un tesouro escondido, unha illa remota e unha procura chea de aventuras. Jim na Illa do Tesouro conserva todos os elementos que fixeron da obra de Stvenson o maior clásico das novelas de aventuras e fonte de inspiración para posteriores películas, obras de teatro, cómics e narracións de temática pirata.