KAFKA E A BONECA VIAXEIRA

Cativounos esta historia baseada nun feito real, na que o casual e sorprendente encontro entre Franz Kafka, xa adulto, e Elsie, unha nena de tan só cinco anos, nos falaba da habilidade reparadora da ficción, de como a capacidade de fabular e imaxinar é o alimento da alma humana.

Kafka, ao longo de tres semanas e vinte cartas, conseguiu que a nena non só deixara de chorar por perder a súa boneca, senón que comprendera mellor o mundo e a vida que a rodeaba. Elsie, co seu sorriso marabilloso e a súa mirada inocente, devolveulle ao propio Kafka, xa ás portas da morte, a súa confianza na ficción para conseguir un gramo de felicidade.