LUÍS PIEDRAHITA "ES MI PALABRA CONTRA LA MÍA"

Humorista, ilusionista, presentador, escritor e director de cinema. Luís Piedrahita é un dos artistas máis polifacéticos do panorama español. É colaborador habitual dos programas de radio e televisión máis exitosos e os seus espectáculos teatrais viaxan por toda España e Latinoamérica. No ámbito corporativo, a súa experiencia e creatividade permítenlle conducir e amenizar eventos dun modo elegante e divertido. 

“ES MI PALABRA CONTRA LA MÍA” é o novo espectáculo de Luís Piedrahita. Un show cheo de humor, enxeño e tenrura no que Piedrahita se pregunta por qué ninguén está contento co que lle tocou. 
Un monólogo cheo de reflexións, surrealismos e improvisacións meticulosamente ensaiadas. Como xa é habitual en todos os seus espectáculos, Luís olisquea a realidade cotiá con afán de porco trufero e saca a relucir os aspectos máis divertidos e absurdos do noso día a día. Nesta ocasión Piedrahita tocará temas como as cellas das señoras maiores, as mudanzas nos rañaceos, a memoria ou o medo ao váter alleo.