MOITO RUIDO E POUCAS NOCES

Teatro Aturuxo presenta unha obra do grande dramaturgo inglés, Willian Shakespeare, ambientada nun espazo idílico. A obra arranca coa chegada de D. Pedro de Aragón e os seus homes á casa de Leonato. O amor de Claudio e Hero, os equívocos de Dogberry e Verges, a deslealdade de dona Xoana, irmá de don Pedro, o enxeño de Beatriz e Benedicto, son algúns dos elementos presentes nesta comedia, onde ás veces, o que aparenta ser non é, poñendo en perigo a felicidade e o benestar dos personaxes. Triunfará a verdade e o amor?