MY NAME

O actor coma unha sombra móvese dentro dun espazo máis aló do tempo. Coma unha sombra danza, alumea, corre e choca corpos, choca vidas, choca as súas mesmas sombras e todo o que non é, non foi, nunca será. Porque así o decidíu.

Unha voz acompaña ao público e convídao a observar ao actor no escenario coma un animal dun documental, coma un experimento... Un nome que nunca será pronunciado, unha vida que nunca será explicada, un personaxe sen unha historia.
Dentro dun supermercado, fóra dunha igrexa, entre a multitude que se manifesta, nunha discoteca anónima... Coma un virus, un fungo, unha fenda na parede. O meu nome.

Posta en escena completa do traballo presentado coma breve performance” na pasada edición da MITEU.