AVOAYOUJA Avoa Youja somos Fran Martínez e Marta Faílde, os nosos camiños cruzáronse ó coincidir na segunda promoción da Escola Superior de Arte Dramática (ESAD) de Galicia. Dende aquela uniunos unha fonda amizade e uns intereses artísticos similares. Rematados os nosos estudos de catro anos en interpretación, continúamos os nosos proceso de formación noutras disciplinas como son a danza contemporánea e a música. En 2010 realizamos a noso primeiro proxecto dentro da programación de actividades da bebeteca da Biblioteca Nodal de Vigo. Dende aquela, continuamos presentando as nosas propostas para bebés tanto en Vigo, como noutras bibliotecas e concellos de Galicia. Aínda que nun primeiro momento dirixímonos a este público máis cativo, máis adiante abrímonos ó público infantil de maior idade. O ALOUMIÑO DUNHA ESTRELA Se estarricamos moito os brazos, moi lonxe, cara o ceo, parecenos tocar as estrelas coa punta dos nosos dedos... semella imposible. Nesta viaxe sensorial, co arrolo da musica da arpa e seguindo os zapatinos vermellos, faremos posible que as pequeninas e os pequerrechos disfruten da poesia das imaxes ata rabunar a boveda celeste. Aforo máximo 60 espectadores (30 bebés + 30 adultos).
