“O Teatro debe mover emocións e provocar debate, entre outras cousas” A situación que contaremos está cargada de tensión e en consecuencia de emoción. Ademáis, conta con algúns xiros argumentais que quitan o alento. En canto ao debate, o que explicamos seguramente chocará coas opinións previas que deste tema teñen os espectadores e poida que nalgúns casos o debate poida chegar a discusión, pero que lle imos a facer, outra das funcións do teatro é axitar. Nunha noite marcada pola traxedia, unha muller abre as súas portas ao descoñecido. Paradoxicamente, decide xestionar o seu medo abrindo as súas portas, en lugar de encerrarse no seu caparazón. Aparece na súa casa un home cheo de misterio, de mentiras, de posible ameaza, quizais tamén de medo. Puertas abertas fala dun dos grandes conflitos do mundo actual, o terrorismo islamita. É un conflito que coñecemos de preto, que sufrimos, sobre o cal lemos, do cal temos opinión. Posiblemente algunhas das nosas opinións están fundamentadas en tópicos e prexuízos. Esta obra pon en cuestión eses tópicos e prexuízos nun dialogo entre dúas persoas, membros das dúas comunidades enfrontadas. Non sabemos deles máis do que nos contan e o que nos contan está cheo de interrogantes. Non cren que este sexa un conflito de bos e malos. !Que fácil e pouco interesante sería vivir coas portas pechadas ao descoñecido! Nós preferimos abrilas de par a par e que a través delas entre a vida”. (Texto de Abel Folk)
