Rob Tognoni e a súa guitarra percorreron os escenarios de todo o mundo durante os últimos 35 anos. Nos seus comezos teloneou, abrindo os concertos dalgúns grandes guitarristas, como Roy Buchanan, Lonnie Mack, descubridor de Stevie Ray Vaughan ou Joe Walsh de The Eagles. Compartiu escenario con Sting, ZZ Top ou Bo Diddley. Representou ao seu pais, Australia, nos actos de celebración da voda real do príncipe Frederik e a princesa María de Dinamarca, actuou en 2006 no Mundial de Fútbol da FIFA en Kaiserslautern, Alemaña, entre outras actuacións que inclúen algúns cárceres de máxima seguridade en Australia ou a Casa de Mozart en Viena. Innumerables experiencias que lle serviron para perfeccionar a súa habilidade coa guitarra e forxar o seu propio estilo. En 1972, con 12 anos de idade, Rob interesouse polos discos que escoitaba a súa irmá maior e foi entón cando se lle abriu un inmenso universo sonoro descubrindo artistas que ían de B.B. King, Billy Thorpe & The Aztecs, Jimi Hendrix, Grand Funk Railroad, Deep Purple, Led Zeppelin ou Tony Joe White a Elton John e Slade. El non discriminaba entre Blues, Blues Rock ou Pop ... todo era xenial para os seus oídos e todo parecía ter o seu lugar. Bautizado como Robert John Tognoni, naceu en outubro de 1960 en Ulverstone, Illa de Tasmania, Australia, e é coñecido na escena internacional como "The Tasmanian Devil" (O Demo de Tasmania). O seu son é enérxico, inventivo e explosivo, e a súa música engloba Blues, Blues-Rock e Rock clásico, aínda que na súa paleta creativa existen tamén outras cores que lle valeron para forxar un estilo propio e orixinal. Rob é fogoso e visceral en escena, un intérprete que sente e vive o que toca. Na vintena de discos que publicou baixo os selos Provogue Records, Dixiefrog e Blues Boulevard, pódense escoitar ecos de Cream, Led Zeppelin, Jimi Hendrix, B.B. King, e sobre todo da súa paisanos AC/DC. Tras ser fichado en 1994 polo selo holandés Provogue Records para gravar 4 discos, Rob abandona Australia e fixa a súa residencia en Alemaña. Ter as ideas claras, saber o que se quere e dedicarse a iso en corpo e alma é o que fai que Rob Tognoni sexa na actualidade uno dos grandes referentes do Blues-Rock en centroeuropa, tal como pode verse na súa apertada axenda de concertos en países como Alemaña, Dinamarca, Francia, Bélxica, Polonia, Reino Unido e Holanda. En novembro de 2018 visitará España por primeira vez dentro dunha xira por algunhas grandes cidades e que recalará en Ourense para formar parte do programa de actuacións da décimoquinta edición do Festival de Blues Teatro Principal. FORMACIÓN VIRA ESPAÑOLA - NOVEMBRO 2018: Rob Tognoni guitarras & voz, Mike Hellier bateria e Gaz Rackham baixo Crónica de Rob Tognoni no Sweden Rock Festival 2017: A guinda dun pastel ao que só lle quedaban migallas veu da forma mais inesperada. Pechando o festival, Rob Tognoni, resultou ser un showman do Blues con madeira de superestrella. Dominando o instrumento e gran presenza sobre as táboas, o australiano foi atraendo aos rebotados do escenario principal cara á carpa onde actuaba, probablemente co mellor son que atoparei xamais. Tognoni é un guitarrista versátil, dálle a todos os paus que o Blues permite, crávao en cada ocasión, e sempre cun sorriso e uns movementos tan magnéticos que non che deixan pechar a boca. Os dous músicos que o acompañan, dous púberes con superpoderes, son o complemento que un guitarrista de Blues necesita, dinámicos, versatiles como o seu lider e extremadamente imaxinativos. A noite parecía que non daba para máis e resultou que nos atopamos cun dos mellores shows do festival. Antes do sábado, un dous mil persoas ignoraban a existencia do tal Tognoni. Desde esa noite, ese dous mil persoas lembrarán sempre o seu nome. Rock Angels. https://www.youtube.com/watch?v=0vZIUJs5V4I
