SABE DEUS PINTAR O DIABO

Andan por aí, próximos de toda a xente. Viñeron de preto, mais de onde non sabemos. Os seus nomes son os revelados: Feliciano e Raimundo. Abrigados no último andar dun vello edificio, escolleron ser autores dunha especie de fin do mundo. Cómplices dunha acción degradante con motivos que fan pensar o lodo onde a humanidade repetidamente se deixa atolar, Feliciano e Raimundo, amigos de circunstancia, considérase portadores dunha razón capaz de dar acerto ao mundo, e non se aflixen coa opción que decidiron, mais senten o nerviosismo que algún humor inquietante deixa transparecer. Atopáronse e o que sabemos é que se entenderon para un xogo de extermínio. As súas biografías, se as coñecésemos ao pormenor, non darían para explicar o que son capaces de facer. E o que eles fan nunca debería facerse.