"SOFÁ"

SOFÁ é un espectáculo de danza con teatro, circo e música en directo e que fala dunha parella. Marta e Pablo coñecéronse bailando e xa non teñen tempo para facelo porque traballan moito. Son incapaces de parar. Cren que van solucionar os seus problemas de desconexión facendo un espectáculo de danza cun sofá. Porque o sofá é o lugar onde se atopan as parellas ao final do día para estar xuntas e descansar. Pero… sempre hai un pero. Toda interrupción é un bo motivo para continuar a súa fuxida cara adiante. Porque parar, supón enfrontarse a si mesmos e abrazar a incerteza, o baleiro. Parar para bailar, acabar para comezar.