"TODAS LAS CANCIONES DE AMOR"

Unha viaxe emocional entre o drama e a comedia, entre a vida e a morte, entre o amor e o esquecemento. “O pasado e o futuro unen as súas puntas e agora son, déixome ser e mantéñome ergueita”.
 Unha homenaxe a unha muller, a unha nai que dedicou a súa vida para coidar aos demais, a facer as camas, dobrar as sabas, cociñar, fregar, varrer, amar, calar…. É unha reflexión emocional dunha muller ao final dun camiño, un camiño extraordinario, belo e terrible como a vida.
 Fálanos desde a súa cociña, onde pintaremos os seus recordos e o seu mundo interior, os seus amores, o seu marido, o seu fillo, as súas cancións de amor. 
Cando algúns feitos inexplicables repítense unha dáse conta de que a realidade foi tomada polo asombro. Dende ese asombro cóntanos a súa historia, o esquecemento, o recordo e o amor.