PRESENTACION PERPLEXO

 A compañía ourensana ilMaquinario Teatro estrea este venres no Teatro Principal de Ourense a súa nova montaxe, Perplexo, unha obra orixinal de Marius Von Mayenburg que dirixe Tito Asorey e que protagonizan Melania Cruz, Fernando González, Fran Lareu e Laura Míguez.

A obra presentouse onte mércores no Teatro Principal, nun acto no que o director e os actores de ilMaquinario estiveron acompañados polo director do AGADIC, Jacobo Sutil e pola directora do Teatro Principal, Olga Mojón.

Olga Mojón mencionou na súa intervención a calidade de ilMaquinario, grupo ao que definiu como unha compañía que pisa forte non só en Galicia, senón tamén a nivel nacional e Jacobo Sutil amosou a súa confianza de que o novo traballo da compañía vai ser todo un éxito.