PRESENTACIÓN PROGRAMACIÓN PRIMEIRO SEMESTRE 2016

Tivo lugar a presentación este xoves  17 de decembro, no Teatro Principal, nunha rolda de prensa na que a súa directora, Olga Mojón, estivo acompañada polo director da Axencia Galega das Industrias Culturais (Agadic), Jacobo Sutil e polo Asesor de Política Cultural da Deputación de Ourense, Aurelio Gómez Villar.

Presentouse a programación que terá lugar durante o primeiro semestre de 2016, cunha amplia variedade de espectáculos de  teatro, música e danza, entre os que destacan as obras El testamento de Maria, Me llamo Suleiman, Misterios del Quijote, Bobas e Galegas, Palabras Malditas, entre outras .

A carteleira contará cunha variada representación de artistas de éxito nacional e galego así como de éxito internacional nos ciclos de música de Enclave de Cámara, Pórtico do Paraíso.