PRESENTACIÓN VOCES FEMENINAS 2014

O xoves día 13 de novembro presentouse no Teatro Principal de Ourense o Festival de Voces Femeninas que celebra a súa VI edición. A rolda de prensa asistiron Marga Martín, concelleira de Igualdade, Olga Mojón, directora do Teatro Principal, Eduardo Romero, de Coconut Producciones e David Pedrouza, do Café Pop Torgal.

Segundo os seus organizadores trátase de dar a coñecer ao gran público a artistas increiblemente dotadas, algunhas con gran predicamento nos seus países e na escena internacional.

Voces Femeninas é un festival que naceu no ano 2008 como un espazo no que dar cabida a grandes compositoras e intérpretes de todo o mundo. O organizador do certame, Eduardo Romero, sinalou que o obxectivo do Festival Voces Femeninas é reivindicar e descubrir o talento de grandes artistas internacionais no noso país nun formato íntimo e próximo.

O festival comeza ás 20.30 horas. O prezo da entrada é o seguinte: 18€ (butaca de patio e platea); 18€ (1º piso); 16€ (2º piso); 12€ (Paraíso e VR).

As entradas poden adquirirse na taquilla do teatro o día previo á presentación, de 12:00 a 14:00 h; o mesmo día da función, de 12.00 a 14.00 e dúas horas antes do comezo da función.

A venda on-line é a través da web: entradas.abanca.com (tfno: 902-434.443).